Кениецот Елиуд Кипчоге водеше од стартот до финишот за да ја освои својата четврта титула од маратонот во Лондон во неделата, додека британскиот фаворит Мо Фара беше само петти откако не успеа да ги предизвика фаворитите.
Кипчоге, кој минатата година го сруши светскиот рекорд на маратонот во Берлин (2:01:39), овојпат победи со второто најбрзо време во историјата од 2:02:37 пред двајцата етиопски предизвикувачи Мосинет Геремев и Муле Васихун. Фара, повеќекратниот олимписки и светски шампион на 10.000 и 5.000 метри беше далеку од својот личен рекорд.
Женската трка исто така отиде кај маратонка од Кенија, откако Бригид Косгеи по второто место лани, ја совлада актуелната шампионка Вивијан Черујот, додека трикратната победничка од Лондон, Мери Кеитани беше петта.
Косгеи, која победи и на маратонот во Чикаго оваа година, имаше време од 2:18:20, повеќе од една секунда пред Черујот, додека трета беше Етиопјанката Роза Дереје.