Сензационалниот Рјоју Кобајаши стигна и до втората победа на новогодишната турнеја „4 скокалници“, по доминацијата во Гармиш-Партенкирхен на Нова Година.
Ова е фантастична шеста победа оваа сезона за 22-годишниот Јапонец, за доминација ретко видена на Светскиот куп во скијачки скокови.
Кобајаши беше прв и по првата серија за на крајот да триумфира со 266.6 поени по скоковите од 136.5 и 133 метри пред Германецот Маркус Ајзенбихлер со 264.7 поени (138 и 135 метри) и Полјакот Давид Кубацки со 256.2 поени (133.5 и 133 метри). Топ 5 го комплетираа Чехот Роман Куделка и постариот брат на Кобајаши, Јуниширо.
Следната, трета станица од новогодишната турнеја е во австрискиот Инсбрук на 4 јануари. Кобајаши ќе се обиде да стане само третиот скокач во историјата со победа на сите четири скокалници по Свен Ханавалд (2000/01) и Камил Штох (2017/18).
Фото: ЕПА
Sooo eng! #4hills pic.twitter.com/ZrRLA1rN1I
— Eurosport DE (@Eurosport_DE) January 1, 2019
138 Meter! ? #Eisenbichler #4hills @skiverband @vier_schanzen
LIVE ► https://t.co/NMgiDAkP5e pic.twitter.com/OSxlUEo8Qy— Eurosport DE (@Eurosport_DE) January 1, 2019