Top Sport

Ричлиев: Со Русите во тимот, можеме до „златен сет“ против холандскиот ривал

Македонскиот одбојкарски првак Струмица Никоб засилено се подготвува за утрешниот втор натпревар против холандскиот Динамо Драисма Апелдорн во квалификациите на Лигата на шампионите во одбојка. Тренерот Кире Ричлиев е оптимист, со оглед дека тимот сега ќе бидат и тројцата руски одбојкари кои не добија визи за настап на првиот меч во Холандија.

dobivaj vesti na viber

„На вториот натпревар ќе бидеме посилни со играњето на Русите Злобин, Лобурин и Михајлов и се надевам дека со поддршка на публиката ќе може да направиме подвиг и да извојуваме победа од 3:0 или 3:1 во сетови и златниот сет да го реши победникот во овој дуел“, изјави тренерот Кирил Ричлиев.

Мечот е закажан за утре, во салата на СЦ „Јане Сандански“, со почеток во 19 часот, а организиран е бесплатен превоз од Струмица со тргнување од 16 часот. Влезот за сите љубители на одбојката е слободен.

Scroll to Top