Top Sport

Рони О’Саливен повторно е број 1 по триумфот во Велс!

Рони О’Саливен уште еднаш влезе во историјата на снукерот, откако се израмни со Стивен Хендри со својата 36. ренкинг титула по победата над Нил Робертсон на Тур шампионатот, и во исто време првпат по девет години повторно е светски играч број 1, поминувајќи го Марк Селби.

О’Саливен во Велс имаше голема предност против Австралиецот Робертсон, но на крајот беше тесно и тој победи 13:11 за чек од 150.000 фунти и завршување на четиригодишното владеење на Селби на врвот на рејтинг-листата. О’Саливен со своите 43 години станува најстариот играч кој ја има првата позиција по шесткратниот светски шампион, Реј Рирдон, кој во 1983 година беше број 1 на 51 година.

Робертсон, кој загуби со 10:4 од О’Саливен на Плејерс шампионатот на претходниот турнир, овојпат беше посериозен противник. Иако губеше со 6:3, тој успеа да израмни на 10:10, но притисокот влијаеше добро на О’Саливен, кој сега ќе оди на шеста светска титула на „Крусибл“ во Шефилд следниот месец.

Scroll to Top