Top Sport

Шифрин нова рекордерка – 83 победа во кариерата

Американката Микаела Шифрин, поладнево влезе во скијачката историја. Таа победи во велеслаломската трка во Кронплац, Италија и стана скијачка со најмногу победи во Светскиот куп.

dobivaj vesti na viber

Шифрин во Кронплац победи пред Швацарката Лара Гут Бехрами и Италијанката Фредерика Брињоне. Шифрин ја забележа 83. победа во Светскиот куп. Четири победи и недостигаат да го надмине рекордот на легендарниот Ингемарк Стенмарк.

Шифрин има 51 победа во слалом, 18 победи во велеслалом, пет во супервелеслалом, пет парал слалом, три во спуст и една во алпска комбинација.

Таа денеска беше најбрза и по првото возење, а победи со време од 2:00,61 минути.

Второто место го зазеде Швајцарката Лара Гур-Бехрами со 0,45 секунди заостанување, а трета Италијанката Федерика Брињоне со 1,43 секунди.

Словачката скијачка Петра Влхова беше четврта, а Французинката Теса Ворли го зазеде петтото место.

Шифрин води во вкупниот пласман во велеслалом со 500 поени, пред Италијанката Марта Басино со 451 и Гут-Бехрами со 437 поени.

Во вкупниот пласман во Светскиот куп, Шифрин е прва со 1.417 бодови, второпласирана е Гут-Бехрами со 861, а Влхова е трета со 846 бодови.

Scroll to Top