Словенецот Тими Зајц стигна до победа на Светскиот куп во скијачки летови во германскиот Оберстдорф, со фантастичен втор скок од 232 метри за да ги победи Полјакот Пјотр Жила и Австриецот Штефан Крафт.
Зајц, кој во првата серија имаше лет од 211.5 метри, во вториот отиде 232 метри за да собере 407.9 поени за победа пред Жила (218.5 и 221 метри) и Крафт (212 и 222.5). Најдолг скок на натпреварувањето имаше сонародникот на Зајц, Жига Јелар, кој во втората серија летна 233.5 метри, но по слабата прва серија заврши како четврти.
Вчера победник беше Крафт пред Јелар и 21-годишниот Зајц, за кого ова е втора победа во кариерата.
