Алекс Переира стана нов УФЦ шампион во средина категорија откако во последната рунда од борбата го победи бранителот на титулата Израел Адесања.
Во првите четири рунди Адесања доминираше и имаше голема предност кај судиите, а на Переира, кому ова му беше само четврта борба во УФЦ, му требаше нокаут во последната рунда за титулата.
Бразилецот сериозно го раздрма Адесања со лево кроше, а потоа со серија удари го принуди судијата Марк Годар да ја прекине борбата. Ова беше нивна трета борба во светот на боречките вештини и трета победа на Переира, а првите две беа во кик-бокс.
Ова е седма победа во осум ММА борби за Переира, кој според обложувалниците беше аутсајдер. Адесања го претрпе вториот пораз (23-2), а прв во средна категорија.