Поранешниот капитен на хрватската репрезентција и најдобар ватерполист на светот, Сандро Сукно ја прекина својата кариера на само 28 години поради проблемите со срцето кои го мачат веќе две години.
„По операцијата на срцето во САД на почетокот на минатата година која ги отстрани сите проблеми и опоравувањето кое траеше година дена, во контакт со неколку лекари од Хрватска и странство се покажа дека мојата здравствена состојба не е оптимална за да ја продолжам кариерата на високо ниво. Се заблагодарувам на сите кои беа дел од мојата кариера, на моето семејство, соиграчите и тренерите, а посебно на навивачите кои ми дадоа сила да се вратам во базенот“, изјави Сукно.