Велосипедистот на тимот „Скај“, Џерен Томас, денеска ја потврди вкупната победа на 105.издание на трката околу Франција. По минати 3.351 километар, Томас со време 83 часа, 17 минути и 13 секунди победи на „Тур д’Франс“.
„Ова сигурно е еден од најдобрите денови во мојот живот“, изјави победникот Томас.
Последната етапа на трата околу Франција, долга 116 километри, се возеше од Ули до Елизејските полиња, а Томас без проблеми ја одбрани предноста од речиси две минути што ја имаше во однос на Тома Думолан.
Велшанецот, Томас, стана третиот Британец што ја освои најпрестижната трка во светот на велосипедизмот во последните седум години. Претходно трката ја освојуваа Бредли Вигинс и Крис Фрум.
Во генералниот пласман второто место го освои Холанѓанецот Дуломан, додека Фрум заврши на третата позиција.
Последната етапа му припадна на Норвежанецот Александер Кристоф.