Младата ракометна репрезентација на Македонија, играчи до 20 години, триумфираа на ЕХФ-шампионатот, пто вечерва заврши во Скопје. Избраниците на Данило Брестовац во финалето ја победија Белорусија 29:23 (15:10). Со оваа победа Македонија се пласираше во „А“ дивизијата.

Македонските надежи очекуваа тежок и неизвесен натпревар со Белорусите, меѓутоа начинот на кој влегоа во пресметката им донесе рутински триумф.

Доминираше македонската одбрана во воведниот дел од мечот, нападот беше течен, па по 15 минути игра младинците имаа предност 7:3. Во вториот дел од првото полувреме одличниот голман Петковски овозможи предноста да биде сочувана и на полувреме Македонија да има комотна предност 15:10.

Македонија го диктираше ритамот и во вториот дел, победникот дефинитивно го реши во 43.минута кога на семафорот стоеше 23:14.

Голманот Петковски блескаше со 14 интервенции, а стрелците ги предводеа Танковски со осум, Јагуриноввски со седум, односно Шилегов и Арсеновски со по шест гола.

фото: rkmetalurg.mk