Top Sport

Закажан реваншот – Усик и Џошуа ќе се борат во Џеда

Реваншот меѓу Олександр Усик и Ентони Џошуа официјално е закажан за 20. август во Саудиска Арабија.

dobivaj vesti na viber

Украинецот (35) минатиот септември го изненади Британецот и со тоа ги презеде појасите на ВБА, ИБФ и ВБО во тешка категорија.

Борбата наречена „Бес на Црвеното Море“ ќе се одржи во градот Џеда.

„Имам цел, со Божја помош ќе ја завршам мисијата“, рече Усик, додека Џошуа борбата ја нарече „средба со историјата“.

„Среќен борец е опасен борец, а јас сум најсреќниот и најмотивираниот досега“.

Усик е непоразен во 19 професионални борби, иако најмногу се бореше во крузер категорија, додека Џошуа пред поразот од Усик, доживеа пораз и од Енди Руиз во 2019 година.

Scroll to Top