Македонскиот репрезентативец Цветан Кузманоски потпиша нов договор со Еурофарм Пелистер и се обврза на верност до јуни 2025 година.
„Ова е моја трета сезона во Битола. Задоволен сум, се навикнав на оваа средина. Голем напредок во кариерата ми е што се префрлив во првиот тим, стигнав и во репрезентација и се надевам дека оваа сезона ќе ја оствариме нашата цел, да ги донесеме титулите во Битола“, изјави левото крило на Еурофарм Пелистер и репрезентацијата на Македонија.
Вчера договорот со Еурофарм Пелистер го продолжи и десното крило на тимот, исто така македонски репрезентативец, Ненад Костески.