Aлборг по настапот на Суперглоуб и првиот пораз во ЛШ од Вардар во претходното коло, се врати на победите, откако се намачи со Мешков Брест но стигна до 34:33 победа во третото коло во групата А, каде што Кил стигна до лесна 36:27 победа против ППД Загреб, продолжувајќи ја „лузерската“ серија на хрватскиот клуб.
Белорускиот шампион Мешков се покажа како тежок ривал на данскиот фаворит Алборг, водејќи во делови од првото полувреме, пред на пауза да се отиде со 18:18. Гостите пак поведоа со 23:24 во 37. минута од мечот, пред Алборг да направи серија од 4:0 за да го најави пресвртот.
Во Германија пак, Загреб само во првото полувреме беше посериозен предизвикувач на Кил, пред да им се случи „колапс“ во второто полувреме за нов пораз на тимот на Ивица Обрван.
ЕХФ ЛИГА НА ШАМПИОНИ, 3.КОЛО, ГРУПА А
Алборг – Мешков Брест 34:33 (18:18)
Кил – ППД Загреб 36:27 (18:15)