Репрезентацијата на Норвешка ја декласира Франција со 28:20 во полуфиналето на Европското првенство и ќе има шанса да и се одмазди на Данска за единствениот пораз во досегашниот тек од шампионатот. Франција одигра катастрофално второ полувреме кое го загубија со 16:9 и ќе мораат да се задоволат со борба за третото место и дуел против селекцијата на Црна Гора.
Норвежанките го контролираа резултатот во најголемиот тек од натпреварот. На полувреме заминаа со еден гол предност (12:11), но потоа се случи вистинска експлозија за која Франција немаше одговор.
Нора Мерк беше најефикасна со осум гола, а еден помалку постигна Офтедал.