Вардар прво пропушти голема предност по првото полувреме, за на крајот Тимур Дибиров да донесе 27:27 реми кај лутиот ривал Еурофарм Пелистер во дербито во Супер-лигата.
Вардар направи предност од 17:13 во финишот на првото полувреме, а и покрај одличниот старт на Пелистер, гостите повторно имаа +4 (15:19). Но во последните 15 минути, Пелистер успеа да се врати за да поведе со 27:26 на две минути пред крајот, пред Дибиров од пенал да освои поен за „црвено-црните“.
Анте Гаџа, на кого беше направен и фаулот за последниот пенал, беше најефикасен за Вардар со осум гола, додека Жереми Тото уфрли шест, додека Стипе Мандалиниќ беше најефикасен за Пелистер со 7 гола.
Фото: РК Вардар