Вардар ја забележа својата седма победа во 11-то коло на ракометната Лига на шампиони, не дозволувајќи Рајн-Некар Левен да направи кам-бек во второто полувреме и отворајќи го вториот дел од ЛШ со 30:27 триумф.
Стартот на мечот беше во знакот на „црвено-црните“, кои играа сигурно во нападот, а на голот го имаа фантастичниот Дејан Милосављев, кој ги сопре сите обиди на германскиот клуб да се врати во игра.
Во текот на првото полувреме, предноста на поранешниот европски шампион стигна и до седум голови (16:9), пред домашниот тим со мини-серија да врати на полувреме за подносливи четири разлика (16:12).
Селекцијата на Гарсија Парондо ја оддржуваше оваа предност и во второто полувреме, иако Германците стигнаа до -4 во последните десет минути, сепак немаше драматична завршница, туку само рутинско потврдување на доминацијата.
Тимур Дибиров блескаше со седум голови, по шест имаа капитенот Стојанче Стоилов и Игор Карачиќ, додека на голот Миловсављев имаше 10 одбрани. Кај РНЛ, Шмид и Колбахер имаа по осум гола.
Со победата, Вардар останува на второто место во групата А со 15 поени, три помалку од Барселона, пред домашната пресметка со Веспрем за десет дена. РНЛ се на третото место со 12 поени.
Фото: РК Вардар