По одигрувањето на последното трето коло во групите А, Б, Ц на ЕУРО 2020 ситуацијата околу тоа кој е во осминафиналето, а кој ќе го чека последното коло стана многу појасна, иако концептот со третопласирани екипи кои одат понатаму направи мала забуна.
Досега, сигурно осминафиналисти се Италија, Белгија, Холандија, Данска, Велс, Австрија, Чешка, Англија, Шведска, Франција и Швајцарија.
Во рејтингот на третопласираните ситуацијата е малку поинаква.
1.Швајцарија (4 поени, 3 меча, -1 гол-разлика) – веќе квалификуваи
2.Португалија (3 поени, 2 меча, +1 гол-разлика)
3.Украина (3 поени, 3 меча, -1 гол-разлика)
4.Финска (3 поени, 3 меча, -2 гол-разлика)
5.Шпанија (2 поени, 2 меча, 0 гол-разлика)
6.Хрватска (1 поен, 2 меча, -1 гол-разлика)
Во групите во кои веќе се завршени натпреварувањата – од А групата – Италија, Велс и Швајцарија (бидејќи веќе две третопласирани репрезентации Финска и Украина имаат послаб скор од нив), од групата Б, Белгија и Данска и од групата Ц, Холандија и Австрија.
Во групата Д, Чесите и Англичаните се во осминафиналето пред вечерашниот дуел, додека за третото место ќе се борат директно Хрватска и Шкотска.
Во групата Е, Шведска веќе е во осминафиналето пред утрешниот меч со Полска, додека Шпанија игра со Словачка и трите репрезентации имаат шанса за осминафинале.
На крајот во групата Ф, Франција има обезбедено место пред мечот со Португалија, исто како и Германија пред мечот со Унгарија.