Бранителот на шампионската титула на Стариот континент – Португалија синоќа по поразот од Белгија со 1-0 го заврши настапот на ЕУРО 2020. Разочаран по поразот се обрати капитенот, Кристијано Роналдо:
„Не го постигнавме посакуваниот резултат и го напуштивме натпреварувањето пред да го сакаме тоа. Сепак, горди сме на нашиот пат, дадовме се за да ја одбраниме титулата европски шампион и оваа екипа покажа дека уште многу радости може да им донесе на Португалците. Нашите навивачи беа неуморни поддржувачи на тимот од почетокот до крајот. Трчавме и се боревме за нив, за да ја оправдаме довербата која ни ја укажаа. Не беше можно да дојдеме таму каде што сакавме, но ние сме им благодарни. И честитаме на Белгија и им посакуваме среќа на сите екипи кои го продолжуваат натпреварувањето. Што се однесува за нас, ќе се вратиме уште посилни. Напред Португалија“ напиша Роналдо на социјалните мрежи.