Конфедерацијата на африкнски фудбал (ЦАФ) во официјално соопштение изрази шокираност од изјавите на претседателот на Наполи, Аурелио де Лаурентис, барајќи УЕФА да преземе мерки против Италијанецот по неговите коментари за африканските фудбалери.
Де Лаурентис изјави дека добро ќе размисли кога ќе потпише со нов африкански фудбалер, и дека ќе бара прво тие во договорот да се обврзат дека нема да настапуваат на Африканскиот куп на нации, бидејќи „им ги чуваме и воспитуваме фудбалерите, за потоа да ги загубиме“.
„Им кажав, момци, не ми зборувајте за Африканци веќе. Ги сакам, но освен ако не потпишат дека нема да играат на Африканскиот куп на нации, бидејќи никогаш не се достапни. Ние сме идиоти кои им плаќаме високи плати за да играат за други“, изјави Де Лаурентис.
Африканците бараат казна за него.
„Со јавно кажување дека фудбалерите кои ќе потпишат со Наполи мораат да потпишат дека нема да играат на Африканскиот куп на нации, Де Лаурентис ги прекршува правилата на УЕФА. ЦАФ бара итно отварање на дисциплинска постапка против него“, се вели во објавата на ЦАФ.
Де Лаурентис: Наполи ќе размисли дали ќе потпишува со африкански фудбалери