Грем Потер би можел да се врати на тренерската професија веќе следната сезона, откако францускиот тим Ница е сериозно заинтересиран за неговите услуги, пренесе „Л’Екип“.
48-годишниот стратег ја започна оваа сезона како шеф на Брајтон, пред да прејде во Челзи, но и оттаму беше отпуштен по само седум месеци работа.
За Потер е заинтересиран и Вест Хем, но „чеканите“ допрва ќе разгледуваат дали да се разделат со Дејвид Мојес.
Ница, која има неколку поранешни ѕвезди од Премиерлигата во својот тим, како Арон Рамзи, Рос Баркли и Каспер Шмајхел, е заинтересирана за Грем Потер, а тимот од Азурниот брег сака Англичанецот да почне да работи на почетокот на новата сезона.