Аргентинскиот напаѓач Гонзало Игуаин ја заврши богатата фудбалска кариера. Тој го одигра последниот меч во дресот на Интер Мајами, во поразот од Њујорк (3:0) во осмина-финалето на плејофот од МЛС лигата на САД.
На крајот не можеше да ги задржи солзите.
„Сонот заврши, сега почнува мојот втор живот. Заврши она што го сакав најмногу – да играм фудбал. Половина од животот, 17 години кариера се зад мене, тажно е, но истовремено сум и среќен зошто ме чека моето семејство со кое сега ќе минувам многу повеќе време“, изјави Игуаин.
Кариерата ја заврши на 34 години, а играше и за Ривер Плата, Реал Мадрид, Интер, Наполи, Јувентус, Челси и за Милан. За репрезентацијата на Аргентина одигра 75 меча и постигна 31 гол.
Gonzalo Higuaín after his final game as professional football player. 🤍🥲 #Higuain@MLS 🎥⤵️pic.twitter.com/CsxMmipK6L
— Fabrizio Romano (@FabrizioRomano) October 18, 2022