Фудбалерот на Реал Мадрид, Иско Аларкон, договорил трансфер во Бетис по завршувањето на оваа сезона. Тој треба да потпише двегодишен договор, а доаѓа како слободен агент од „кралскиот клуб“.
Интересно е дека овој играч од средниот ред кариерата ја започна во Андалузија. Поранешниот шпански репрезентативец пред Реал Мадрид играше за Малага од 2011 до 2013 година, а потоа пристигна во Мадрид пред девет години.
Иско оваа сезона ја мина на клупата за резерви и ретко добиваше шанса од Карло Анчелоти во составот на Реал Мадрид.