Италијанскиот калчолигаш Рома ги повика сите навивачи кои нема да можат да заминат во Тирана и да го следат во живо финалето на Конференциската лига на УЕФА, да дојдат на „Олимпико“ и заеднички на голем видео-бим да го следат најважниот европски меч за „волчицата“ во последните 50 години.
Фудбалерите на Рома и на Феенорд следната среда ќе играат за првиот трофеј во Конференциската лига на УЕФА. На стадионот во Тирана, се очекува спектакл и интересно финале, но капацитет е сепак само 22.000 гледачи на трибините.