Тренерот на Реал Мадрид, Зинедин Зидан го испофали својот капитен Серхио Рамос, кој ги изненади сите откако постигна спектакуларен гол од слободен удар против Мајорка за 2:0 победа и враќање на првото место на табелата.
Ова беше деветти гол на Рамос во 2019/20 со што тој стана првиот дефанзивец кој постигнал над осум гола во една сезона по Езекиел Гарај во 2006/07.
„Тој одамна чекаше шанса од слободен удар. Знам дека на тренинзи работеше на слободните удари. Серхио е наш лидер, наш капитен и секогаш покажува како се прави тоа“, вели Зидан.
Тој уште еднаш повтори дека очекува Рамос да се пензионира на „Сантијаго Бернабеу“ иако неговиот договор завршува на крајот на 2020/21, кога ќе има 35 години.
„Серхио заслужува да биде тука како фудбалер. Тука е толку години и треба да ја заврши кариерата тука. Секогаш сум го велел тоа“, додава Зидан.
Sergio Ramos proves once again why he’s the most versatile defender in the world. He’s from another planet! Virjil Van Dijk has years of consistency to go before he even has a chance at taking the?from Ramos. #HalaMadrid #RealMadrid pic.twitter.com/kzj1zPEkA4
— Aryan (@letsgetaryaned) June 24, 2020
Трајковски од клупа ја гледаше силата на Реал – „Кралот пак е на тронот“