Кошаркарите на МЗТ Скопје Аеродром ја освоија десеттата шампионска титула откако и во третиот меч од финалната серија, прв во Битола, го победија Пелистер. Во дуксер со обележјата на клубот беше и градоначалникот на Општина Аеродром, Тимчо Муцунски, кој триумфот го завери и со селфи фотографии со тимот, и со шампионскиот пехар.
Општина Аеродром е сопственик на кошаркарскиот клуб МЗТ Скопје Аеродром.
„На играчите, Фамилија Аеродром и целиот стручен тим им ја честитам оваа победа, како и успешната сезона во која докажаа дека МЗТ Скопје останува неприкосновен шампион на Македонија. Најдобриот кошаркарски клуб во Македонија и понатаму ќе ја има безрезервната поддршка од мене и од Општина Аеродром. Продолжуваме со уште посилна поддршка за уште многу нови победи и спортски успеси“, објави градоналачникот на Аеродром на социјалните мрежи.