Еден од главните фаворити за освојување на трофејот на турнирот во Монте Карло, Каспер Руд, доживеа елиминација. Тој требаше да биде најсериозниот ривал на Новак Ѓоковиќ во битката за пехарот, но загуби од Јан-Ленард Штруф со 2:0 во сетови.
На Каспер Руд речиси ништо не му поаѓаше од рака во првиот сет и го загуби со 1:6 во гемови, за само 27 минути игра.
Штруф продолжи со добар настап и во вториот сет и поведе со 5:2 во гемови. Руд за момент се врати и се избори за тај-брејк, но Германецот сепак успеа да го добие на поени со 8:6 и го комплетираше мечот.