Светската шаховска федерација (ФИДЕ) најави казни за руските велемајстори Сергеј Карјакин и Сергеј Шипов откако двајцата го поддржаа рускиот претседател Владимир Путин и воената интервенција во Украина.
Карјакин, кој е роден на Крим, во неделата преку социјалните мрежи изјави дека целосно ја поддржува борбата за „демилитаризација и денацификација“ на Украина.
„Во ова тешко време ви се обраќам кога нашата земја, предводена од вас, се бори за безедноста на мирољубивиот руски народ во Донбас. Борбата е за демилитаризација и денацификација на Украина со сегашниот режим кој ја постави безбедноста на цела Европа во опасност за политички цели и амбиции. Ја следам специјалната операција во земјите каде што го поминав моето детство, каде што научив да играм шах и каде што живеат моите роднини. Осум долги години чекавме надеж за спас од постојаното ракетирање и геноцидот кој го правеше режимот во Киев“, напиша 32-годишниот Карјакин, кој во 2016 година загуби од норвешкиот шампион Магнус Карлсен во борба за светската титула.
ФИДЕ реагираше со тоа што најави дека комисијата за етика и дисциплина ќе го истражува Карјакин и Шипов. Инаку, претседател на ФИДЕ е поранешниот руски заменик премиер Аркадиј Дворкович, и во саботата објави дека на Русија и Белорусија нема да им се дозволи организирање на ФИДЕ натпревари, а шахистите на овие две земји нема да може да го користат своето национално знаме.
Россия ❤️?✊? pic.twitter.com/ToU01jVCAw
— Sergey Karjakin (@SergeyKaryakin) February 27, 2022
FIDE Council condemns any public statement from any member of the chess community which supports unjustified military action and brings the case of chess grandmasters Sergey Karjakin and Sergey Shipov to the Ethics and Disciplinary Commission.
— International Chess Federation (@FIDE_chess) February 27, 2022